Гудагай у час Вялікай Айчыннай вайны

Вялікая Айчынная вайна таму і названа  Айчыннай, што не аставіла не закранутай ні адну мясцовасць і ні адну сям’ю.

Вялікая Айчынная вайна ў нашых мясцінах пачалася з таго, што нямецкія самалёты скінулі бомбы на станцыю Гудагай і чыгуначны мост праз раку Лоша.

Гудагай і наваколлі 21 ліпеня 1944 года. На здымку пазначаныя: 1 - будынак вакзала станцыі Гудагай, 2 - лабаза.

Кадр нямецкай ваеннай аэрафотаздымкі. Вышыня палёту - 8300 м.

Аднак у час вайны на нашых тэрыторыях амаль не было ваенных дзеянняў. Толькі на тэрыторыі пасёлка быў размешчаны ў памяшканні мясцовай школы-сямігодкі лагер для савецкіх ваеннапалонных, у якім немцы за час яго існавання ўтрымлівалі і загубілі прыкладна 300 вязняў.

Як вядома, адно з самых страшных злачынстваў фашызма – генацыд. З-за наяўнасці чыгункі сталі сведкамі нашы продкі яшчэ аднаго трагічнага факта той вайны. Напрыканцы 1942 года (“Сняжок прыцерушыў зямлю,” - расказвала жанчына 1925 года нараджэння) на ўскрайку лесу за хутарам Чубэйка немцы расстралялі цыганоў. Колькі іх было, ніхто сёння дакладна не скажа. “Але яма была шырокая, а непадалёк знайшлі характэрны цыганскі збан”, - расказвала тая ж сведка. А праз некалькі месяцаў, ужо летам адбылося такое ж здарэнне, толькі па другі бок чыгункі каля вёскі Дайноўка.

Наш населены пункт пацярпеў толькі ў час вызвалення. Ад снарадаў загарэліся страхі некалькіх дамоў, а ад іх зайшліся агнём іншыя. І ў адзін дзень у Гудагаі  тады згарэла 19 дамоў з 39.

Вядома, не толькі гэтыя факты гаворыць аб тым, што перацярпелі нашы землякі ў той час ліхалецця. Пайшлі ваяваць і не вярнуліся дамоў 6 нашых аднавяскоўцаў.

Многія, хто атрымаў пазней статус ветэрана (а іх было 38), засталіся інвалідамі або назаўсёды страцілі здароўе. Тыя, хто заставаўся ў вёсцы, пазналі голад і страх. Таму нават праз 72 гадоў жыве ў памяці  землякоў павага да тых, хто адстаяў тады мір.


Гудагайцы - ветэраны Вялікай Айчыннай вайны

 

АФОНІН Мікалай Аляксеевіч
ВАЙЦЯХОЎСКІ Міхаіл Міхайлавіч
ГОЛУБЕЎ Канстанцін Васільевіч
ГРАБЯНЦОЎ Фелікс Фёдаравіч
КІРЫК Ілля Вікенцьевіч
КЛУСЕВІЧ Ігнат Ульянавіч
ЛАСОЎСКІ Пётр Генрыхавіч
ЛЯНКЕВІЧ Лідзія Міхайлаўна
ПЕШКУР Іван Андрэевіч
РАМЭЙКА Марыя Мінаўна
ТАНКОВІЧ Казімір Сямёнавіч

Імёны, вернутыя з небыцця.
Кропкі памяці. Брацкая магіла ў п. Гудагай.
Няхай не перапыніцца памяць пакаленняў...

 

Лёс салдата Другой сусветная вайны Зіміна Івана Іванавіча.

 

 

Лёс салдата Другой сусветная вайны Лянкевіч Лідзіі Міхайлаўны.
Пакуль мы помнім, яны бяссмяротныя.